Kull sena, bħal daż-żmien, ħafna nies jerġgħu jġeddu l-appuntament tagħhom mas-serje favorita tagħhom fuq it-TV. Barra l-ħafna serje ġodda li jibdew, ħafna jkunu qed jistennew biex jaraw kif se tkompli l-istorja tal-karattru favorit tagħhom. Hemm għall-gosti ta’ kulħadd – serje komiċi, oħrajn ta’ avventura, ‘thrillers’, u ‘reality shows’. U għalhekk miljuni ta’ nies kull filgħaxija jintasbu quddiem is-sett tat-televixin isegwu l-eroj favorit tagħhom.
- Archives
-
September22nd
“PREVIOUSLY ON…”
Posted in: Editorjal
-
August10th
Teżor kbir f’raħal ċkejken
Posted in: Spotlight
Jekk tfittex ir-raħal ta’ Taizé fuq mappa, mhux ser tkunlek missjoni faċli biex issibu! Taizé huwa raħal żgħir fiċ-ċentru ta’ Franza fir-reġjun mill-isbaħ tal-Burgundija. Il-popolazzjoni tar-raħal mhix ta’ aktar minn 80 resident. Fil-fatt hemm aktar baqar milli nies residenti!
Allura wieħed jistaqsi: X’għandu daqshekk speċjali dan ir-raħal tant żgħir? Kollox beda fl-1940 meta fi żmien it-Tieni Gwerra Dinjija, Brother Roger, kif inhu magħruf, telaq mill-Iżvizzera lejn Franza sabiex jagħti l-għajnuna tiegħu lir-refuġjati li bdew jitilqu minn djarhom lejn in-nofsinhar tal-pajjiż. Beda jwettaq il-ħidma tiegħu fir-raħal ta’ Taizé, li kien ilu bosta snin ma jkollu saċerdot residenti fil-post. Kien anqas minn għaxar snin wara li f’Taizé stess, Brother Roger beda jlaqqa’ grupp żgħażagħ li bdew jaqsmu bejniethom l-esperjenza ta’ Ġesù f’ħajjithom. Minn hemm nibtet komunità ġdida – il-Komunità ta’ Taizé. Read More | Comments
-
August10th
Kemm-il darba smajna lil xi ħadd li minn qalb folla ċċapċap, b’entużjażmu liema bħalu jgħajjat din il-kelma. U mhux talli hekk, talli normalment isegwu numru ta’ ilħna oħra li jingħaqdu f’kor ta’ tifħir quddiem statwa tiżżegleg fuq spallejn nofs tużżana rġiel. Min jaf x’jgħaddi minn moħħ il-bosta turisti li wara ġurnata xemx u mixi jipiċċaw fil-qalba tal-festa tar-raħal.
Imma għaliex jghajtu ‘Magnus”? Għaliex jistħoqqlu t-titlu ta’ ‘Il-Kbir’? Għaliex inqegħdu xbieha ta’ bniedem bħalna fuq pedestal? U xi jfisser dak l-imbierek pedestal?! Għax kultant meta nitkellmu fuq il-qaddisin qisna nkunu qed nitkellmu fuq faxxa speċjali ta’ bnedmin, nies li jeċċellaw f’kollox u mingġajr difetti ta’ xejn. Qisu tiġihom naturali li jgħixu l-Evanġelju daqskemm għalina hi naturali li tiekol u li torqod. U hekk il-ġrajjiet tal-qaddisin jigu jixbħu aktar l-epiċi tal-eroj leġġendarji u inqas ħajjiet ta’ bnedmin. Ġrajjiet mimlijin għeġubijiet, ‘effetti speċjali’ u mirakli. Nies li l-ebda diffikultà ma’ taqtalhom qalbhom u li jirbħu kull ostaklu li jsibu quddiemhom. Dak l-imbierek pedestal qisu qiegħed hemm biex jifridna, biex ifakkarna li aħna qatt mhu se nilħqu l-livell tal-Magnus. U fil-Verità ma nistghux inkunu aktar żbaljati. Read More | Comments
Work in Progress
